老夫子港式餐廳 (已結業)

约咗朋友去九龙湾睇戏，睇戏之前揾间餐厅医肚，见到呢间老夫子餐厅装修得几靓，就入咗去试啦。因为时间所限，拣咗二人餐。二人餐包左烧味拼盘，葱油肥鸡半只，上汤浸时蔬，鸡汤米粉或者白饭，仲有热饮两杯添。呢度装修得好靓，门口有啲老夫子figure可以打卡影吓相添。等左10分钟左右就上菜，烧味拼盘都几多嘢食，有叉烧、熏蹄、红肠、海蜇。叉烧超好食，够晒肥，面头有够晒甜。海蜇同熏蹄点醋食都非常之好啊。葱油肥鸡超大只，仲有好多髀位添。葱油肥鸡大只到我哋两个人都食唔晒呀。鸡汤米粉比我想像中好食，鸡汤非常之浓郁，米粉上面仲有几旧冬瓜添，感觉非常之健康啊。两个人食呢个二人餐真系饱到出汁啊。