House FiftyEight

营业中

休息中

餐厅几大，有室内外座、有卡位for大party、仲有飞标同桌球，枱与枱间空间阔络，几啱倾密计。几次过咗lunch hour嚟呢度食lunch有折，今日喺附近收工，叫咗个二人餐。 ✦ 忌廉蘑菇汤蘑菇粒足料，上枱已经闻到汤香。汤半杰身，唔会好济。仲有牛角包配搭。 ✦ 香煎法国鹅肝摆盘几靓仔。鹅肝好厚身、肥大油厚，表面微焦、内里软嫩，油香stay咗喺口腔。另配搭多士同清甜无花果解腻。 ✦ 甘鲷鱼鱼皮炸成脆卜卜、一层层好别致。鱼肉嫩滑清香，同香浓厚身嘅白油忌廉汁好夹。啖啖滋味。 ✦ 黑松露饭配海胆三文鱼籽蟹肉今晚VIP。非常足料，黑松露、海胆、三文鱼籽、同蟹肉都唔吝啬，香浓、口感丰富。饭以类似煲仔饭形式上，keep住热辣，底有饭焦。最得意系有阵味噌味，好香口。 套餐仲有甜品同餐饮，两个人无限坐都系五旧水度，好唔错。