台北倆伴

营业中

休息中

今日去大围行街，见到有间台式餐厅「台北俩伴」好多人食，决定试吓，佢下午茶套餐非常抵食！选择都好多！有台式特色嘅卤肉饭、面线、台湾小食、蛋饼…呢啲搭杯嘢饮都只系几十蚊，CP值非常高！装修唔错，环境仲非常舒适，台湾国语歌曲嘅背景音乐，超有气氛。下午茶餐：逢甲肉松榨菜蛋饼 配饮品鲜柳橙四季春。出面好少食到有榨菜肉松嘅蛋饼，蛋饼皮薄，丰富嘅肉松，口感层次好高，切成4段方便食用。下午茶餐：台南担仔米粉，嘢饮拣配大甲芋头芋圆鲜奶。担仔米粉卖相吸引，充满台南特色，捞埋肉燥非常惹味。盐酥鸡炸至金黄，酥脆香口。蟹黄秋葵 有丰富嘅蟹黄，邪恶又好味，配搭清爽嘅秋葵，健康又好味！