華記小廚 (已搬遷) 新店位置

今日屋企冇煮到饭，唯有系附近揾间餐厅求其食就算。由于唔想谂同等，最后选择左呢间，其实之前都有去过。果然去到唔洗等，可能今日系假期后第一日返工，所以人唔算多。一行三人最后叫左3个𩠌，咁啱都系3个煲第1个系姜葱鱼腩煲，亦都系比较满意嘅一个。姜葱好入味，连带鱼腩食落都好够风味，可以再试。第2样系南乳粉丝节瓜煲，好可惜南乳味唔够出，平平无奇。至少第3个煲系荔芋鸡煲，我期待嘅1样，可惜败笔系个鸡度，完全同芋系唔夹，不会再试。总结只可以话系抵食！