影片
更多
2022-06-03
490 浏览
.📍慢煮工业📍#馒头去太子 #馒头食西餐------------------------------1️⃣ 香草牛油烧虎虾 ($78/3只)牛油香气唔太浓郁，虎虾肉弹牙但唔算多汁加冇乜味，感觉有啲普通。◾评分：6.7/10------------------------------2️⃣ 二人慢煮套餐 ($368)🔹墨西哥辣粟米温泉蛋沙律沙律菜同车厘茄新鲜爽脆🥬，唔会过涩；Mayonnaise 同黑醋嘅比例啱啱好，酸酸哋好开胃，带点橄榄油香；温泉蛋半熟流心状🥚，捞埋沙律之后为整体口感增添一分滑溜，蛋浆呢沙律酱嘅味道意外地夹😆。美中不足嘅系粟米几乎冇咩辣味，但整体依然系碟喺平均水准之上嘅沙律。◾评分：7.8/10🔹安格斯西冷牛排牛排就真系唔得掂，切𠮶阵时就知道牛排过熟，虽然有肉汁流出，但店家比咗个极多筋部嘅部位我哋，咬落去系极韧同嚡口😓，真系嚼到牙骹痛都未能成功咬开块扒，唔乎合慢煮牛嘅鲜嫰，而且牛肉质地本身唔太靓，冇咩牛肉味。虽然话佢哋呢个set价钱唔贵，但畀质素咁差嘅嘢食客人，确实令小编失望😞。◾评分：4.5/10🔹烤猪仔髀 2支呢个相对牛排就好啲，未至于要我嘅口腔肌肉放弃挣扎，但肉质依然偏干
📍慢煮工业📍#馒头去太子 #馒头食西餐
------------------------------
1️⃣ 香草牛油烧虎虾 ($78/3只)
牛油香气唔太浓郁，虎虾肉弹牙但唔算多汁加冇乜味，感觉有啲普通。
◾评分：6.7/10
------------------------------
2️⃣ 二人慢煮套餐 ($368)
🔹墨西哥辣粟米温泉蛋沙律
沙律菜同车厘茄新鲜爽脆🥬，唔会过涩；Mayonnaise 同黑醋嘅比例啱啱好，酸酸哋好开胃，带点橄榄油香；温泉蛋半熟流心状🥚，捞埋沙律之后为整体口感增添一分滑溜，蛋浆呢沙律酱嘅味道意外地夹😆。美中不足嘅系粟米几乎冇咩辣味，但整体依然系碟喺平均水准之上嘅沙律。
◾评分：7.8/10
🔹安格斯西冷牛排
牛排就真系唔得掂，切𠮶阵时就知道牛排过熟，虽然有肉汁流出，但店家比咗个极多筋部嘅部位我哋，咬落去系极韧同嚡口😓，真系嚼到牙骹痛都未能成功咬开块扒，唔乎合慢煮牛嘅鲜嫰，而且牛肉质地本身唔太靓，冇咩牛肉味。虽然话佢哋呢个set价钱唔贵，但畀质素咁差嘅嘢食客人，确实令小编失望😞。
◾评分：4.5/10
🔹烤猪仔髀 2支
呢个相对牛排就好啲，未至于要我嘅口腔肌肉放弃挣扎，但肉质依然偏干。调味就用咗蜜汁mix芥末酱，味道的确唔错，但只限猪仔髀面头，入面系冇味架😂。
◾评分：6.4/10
🔹烤猪仔骨 2支
肉类之中最好食系呢款，肉质相对鲜嫩，排骨肉起码带肉汁且甩到骨，咬落去泛些少油脂香同蜜糖甜味，但就冇咩煎/烧肉嘅焦香。
◾评分：6.9/10
🔹西西里肉酱芝士焗意粉
主食尚算回归正常，番茄酱酸酸甜甜，夹杂洋葱同herbs嘅香气，肉碎粒唔会太过干硬，整体感觉较为清新，加埋芝士去焗，就系一个味道正常好难伏嘅肉酱意粉😜。
◾评分：7.0/10
------------------------------
3️⃣ 日式烟三文鱼粟米薄饼 ($88)
小编觉得呢间餐厅除咗肉类之外，其他嘢食其实都做得唔系差。 薄饼饼底香脆热烘烘🥰，烟三文鱼唔会焗过之后依然鲜嫩，唔会过硬，混合香甜粟米粒，味道唔会过咸过油，仲有拉丝芝士丰富味道层次同香气🧀🍕，可以一试。
◾饼底：3.6/5
◾馅料：3.9/5
◾评分：7.5/10
------------------------------
🔸整体评分：6.6/10
🔸小编回头率：6/10
张贴
