影片
更多
2019-02-24
2999 浏览
今晚又同老公周围荡去揾食，行到过黎大坑渠，见到呢到晚餐又几抵食㖞！就入左去～扒餐都系78蚊就有交易！仲有啲肉燥饭、咖哩饭等，二人餐有5样野 $238，都ok wor.我同老公叫左肉燥鸡扒饭，同牛魔王焗意粉。肉燥鸡扒饭，肉燥份量一啲都唔少！鸡扒炸得好靓，外皮松脆，而且都几大块，上面仲加左小小肉松，侧边仲放左小小沙律添。味道同卖相都唔错！牛魔王焗意粉等左15分钟左右，系即叫即焗，上枱热辣辣，不过面头有小小焗㶶左。佢用左肥牛同滑牛两种牛肉，滑牛几好食，入味又够「林」。但用肥牛感觉有啲怪，同埋肥牛可能太薄，唔系好啱用黎焗，会好干无哂肉汁，容易焗到㶶又韧，如果全部都系用滑牛会好啲。另外，意粉软硬适中，如果多少少汁会更好。Overall 都算唔错，埋单只系$104，抵！呢个价钱，两个人食到晚餐，又焗饭，又肉燥饭，仲想点？而且店员亲切友善，就是喜欢小店既人情味。
扒餐都系78蚊就有交易！
仲有啲肉燥饭、咖哩饭等，二人餐有5样野 $238，都ok wor.
我同老公叫左肉燥鸡扒饭，同牛魔王焗意粉。
肉燥鸡扒饭，肉燥份量一啲都唔少！鸡扒炸得好靓，外皮松脆，而且都几大块，上面仲加左小小肉松，侧边仲放左小小沙律添。味道同卖相都唔错！
牛魔王焗意粉等左15分钟左右，系即叫即焗，上枱热辣辣，不过面头有小小焗㶶左。佢用左肥牛同滑牛两种牛肉，滑牛几好食，入味又够「林」。但用肥牛感觉有啲怪，同埋肥牛可能太薄，唔系好啱用黎焗，会好干无哂肉汁，容易焗到㶶又韧，如果全部都系用滑牛会好啲。另外，意粉软硬适中，如果多少少汁会更好。
Overall 都算唔错，埋单只系$104，抵！呢个价钱，两个人食到晚餐，又焗饭，又肉燥饭，仲想点？而且店员亲切友善，就是喜欢小店既人情味。
张贴
