影片
更多
2024-12-18
354 浏览
🌸招牌寿喜烧二人套餐🌸 $548呢个餐系超级多嘢食！🥩招牌关西风寿喜烧其实我之前去日本都未食过呢种薄烧嘅寿喜烧🥹不过今次喺香港终于食到～呢个寿喜烧套餐包括嘅肉肉有：茶美豚、美国极黑牛颈脊、岩手县和牛 和牛嘅部份油花分布得好均匀，而且店员会用牛油帮你烧到啱啱好，唔会过分生，亦都唔会过分熟🥰食落劲牛香油香味，而且入口即化😍加埋蛋汁一齐食个口感极香滑而寿喜烧个汁都好正宗关西风，都系用咗酱油、砂糖、味醂去调味～所以味道呢系偏甜嘅🥗日式蔬菜拼盘之后就会加啲水落个锅度煮埋啲蔬菜，咁啲蔬菜就完全索晒啲汤汁嘅味，所以甜甜地超级入味～🖤黑松露炖饭食到咁上下差唔多嘅时候，店员就会加埋侧边碗黑松露饭落去，将佢整做一个Risotto🥘 成个Risotto系又有黑松露香，又劲重芝士味同埋cream and butter味😈 成件事真系劲邪恶🤣啲饭仲要拉到丝！ 不过我哋就嫌个寿喜烧汁加埋落啲饭都系偏甜，所以就要求咗店员帮我哋再加啲水去令到个味道平均啲～ 寿喜烧risotto都几特别🧀芝士烧蚝本身呢一个系串烧拼盘嚟～但由今日开始就会变咗芝士烧蚝～我自己觉得啲蚝都几多好新鲜好肥美，都几大只～虽然芝士汁就稀咗少少，但系
呢个餐系超级多嘢食！
🥩招牌关西风寿喜烧
其实我之前去日本都未食过呢种薄烧嘅寿喜烧🥹不过今次喺香港终于食到～呢个寿喜烧套餐包括嘅肉肉有：茶美豚、美国极黑牛颈脊、岩手县和牛 和牛嘅部份油花分布得好均匀，而且店员会用牛油帮你烧到啱啱好，唔会过分生，亦都唔会过分熟🥰食落劲牛香油香味，而且入口即化😍加埋蛋汁一齐食个口感极香滑
而寿喜烧个汁都好正宗关西风，都系用咗酱油、砂糖、味醂去调味～所以味道呢系偏甜嘅
🥗日式蔬菜拼盘
之后就会加啲水落个锅度煮埋啲蔬菜，咁啲蔬菜就完全索晒啲汤汁嘅味，所以甜甜地超级入味～
🖤黑松露炖饭
食到咁上下差唔多嘅时候，店员就会加埋侧边碗黑松露饭落去，将佢整做一个Risotto🥘 成个Risotto系又有黑松露香，又劲重芝士味同埋cream and butter味😈 成件事真系劲邪恶🤣啲饭仲要拉到丝！ 不过我哋就嫌个寿喜烧汁加埋落啲饭都系偏甜，所以就要求咗店员帮我哋再加啲水去令到个味道平均啲～ 寿喜烧risotto都几特别
🧀芝士烧蚝
本身呢一个系串烧拼盘嚟～但由今日开始就会变咗芝士烧蚝～我自己觉得啲蚝都几多好新鲜好肥美，都几大只～虽然芝士汁就稀咗少少，但系个蚝都好重芝士味嘅，所以都唔错～😚自选小食两款
- 💛明太子玉子烧
- 🔥 烧牛舌 +$30
个明太子玉子烧都值得试～虽然入面并唔系流心芝士或者明太子酱，但成嚿玉子烧个味道都好重明太子味，我个人觉得好唔错😋
而烧牛舌都烧得好有炭火香味，而且牛舌嘅肉质系唔会太柴或者太韧，而且佢配上一个好特别嘅墨西哥辣汁，味道系有啲似Tobacco，食落都几醒胃😆
我真系觉得呢个套餐系超级抵食！CP值超高！因为我同我朋友两个人系觉得多到都食唔晒呀～ 而且佢个装修系劲Igable~ 劲似一啲靓嘅机舖咁样😍而且系有真嘅以前嘅游戏机喺入边～ 要影到完美Y2K风嘅相绝对冇难度🥰📸
张贴
