彩福欣宴 (已結業)

呢排食彩福个龙虾食到上晒瘾，一来真系超级抵食，二来佢煮得真系好高质，88蚊斤真系揾唔到再平。今日有位老友生日，就约埋一行四人黎到佐敦既分店到再食佢个龙虾，8点黎到都已经几多人下，建议想黎既朋友可以事先book定位。基本上次次去到我都会叫佢用芝士整只龙虾，不过今次有位朋友话想试下上汤煮，所以今次我地就叫左黎试下，同样地加伊面底系常识，因为捞埋个汁食真系世界级。除左龙虾之外，我地仲叫左个炒通菜同埋一只炸子鸡，加埋每人一碗白饭，抵食又饱肚！