太元樓

营业中

休息中

在北角城市花园商场办点事，中午餐就在附近揾食，见呢间太元楼门口餐牌有好多午市套餐推介，五十零蚊，有一𩠌，一碗白饭，仲有酸辣汤或粟米鱼肚羮或豆浆三款选一，睇落好抵食，好过日日食茶记或快餐店呀！内里装修几企理，墙饰壁画都好有可观性！客饭套餐以川沪菜为主，两人各点一个醋糖排骨，另一个红烧豆腐！跟餐选咗粟米鱼肚羮、热豆浆！醋糖排骨酸酸甜甜好开胃，而排骨肉质肥瘦适中，腍滑而且好入味！红烧豆腐配菜仲有鲜冬菇片同肉片一齐煑好加献汁，送饭一流！粟米鱼肚𡙡亦够热而且浓稠适中，味道可囗！超大杯热豆浆亦系唔错嘅选择！