明珠閣 (已結業)

沙田新城市广场嘅底层有一间明珠阁，其实系好似饮茶咁食点心嘅。佢地午市嘅套餐都几抵食，有单人粉面餐，或者有两个人以上就可以试二人餐，就最抵食。佢哋嘅二人套餐，有烧味，自选嘅点心，同埋炒粉面饭，都系百二三蚊到，两个人食其实一定食唔晒！差唔多３个人黎，都可以叫一份二人餐再加一两样点心。呢度比较推荐嘅就系佢地嘅叉烧，全部厚切，同埋部位应该拣过嘅，都系带少少肥的梅头，如果散叫嘅话其实都几贵。另外，当然仲有啲而家新兴造型非常可爱嘅点心，好似依个一个杂锦三色包咁样，最可爱嘅猪仔拎咗系手会系唔舍得食，馅料一般都系朱古力，豆沙，奶黄之类。如果行开附近要饮茶，其实可以一试，唔一定要上7楼去美心𠮶度排队啦。