喜棧 (已結業)

今日出左黎大埔食午餐，间间都好多人等位，最后拣左食喜栈，全靠店员热情招呼，佢话紧枱好快有位，又sale啲抵食午餐，睇两睇又真系几吸引，一于食你啦。原汁柱候牛筋腩招牌野，梗系要叫番个share食，焖得十分入味，牛腩有肉感但又够淋，牛筋入口溶化，真心堆介！猪润肉丸粥唔多想食面饭，叫碗粥食下先，有数片猪润同肉丸，猪润大大块厚切，爽口得黎又唔系化学个种，肉丸鲜甜唔硬，大大碗好饱肚。鲜鱼汤四宝四宝有鱼蛋，鱼条，鱼腐同墨鱼丸，味鲜爽口弹牙，鱼汤清甜非味精，唔错。糯米鸡大大只友人叫嘅糯米鸡，荷叶香又够热，入面有咸香嘅咸蛋，软腍嘅叉烧，仲有嫩滑鸡肉同猪肉碎，十分饱肚。炸鸡翼午餐包一个主食，一个小食同饮品。友人拣左炸鸡翼，有两只鸡全翼，真系几抵食呀！友人话鸡翼系生炸嘅，炸之前仲有豉油调过味，好正㖞！！午餐好抵食，四十几蚊食饱饱，最正系有杯茶饮下，杯茶每日唔同嘅健康茶，是日系桂花菊花茶，茶清又香，店员好勤力refill，正。