意樂餐廳 (喜韻商場) (已結業)

今日返晏，又可以同朋友食完饭先返工，朋友推介屋企附近既意乐。午餐有多款选择，有饭有面，我地分别叫左意大利蕃茄浓汤天使面同九州叉烧猪骨浓汤拉面。蕃茄浓汤面餐包蒜香牛油多士，多士即叫即烘，入口松脆，蒜香牛油够香口。蕃茄浓汤天使面可拣鸡扒/猪扒加一款配料，亦可直接拣两款配料，今次拣左肠仔加流心蛋。汤底蕃茄味重，天使面亦好顺滑，配埋流心蛋汁食份外好味。叉烧猪骨浓汤拉面，有两片大叉烧，配料有半只溏心蛋，紫菜同粟米粒，猪骨汤底够浓，拉面亦爽口弹牙，日式叉烧煮得够淋，整体黎讲算唔错。总括黎讲，呢度午餐都算抵食，两个人都唔驶一百蚊，份量亦足够，有机会可以再黎。