影片
更多
2008-04-11
10 浏览
有次男朋友话去soho区食法国菜,于是喺呢个网页揾咗几间俾我拣,我见到其他评家影出嚟啲相,餐厅情调同埋食物都好似唔错,几吸引,又见到人地写有"黑松露忌廉汤"同甜品有"心太软",于是决定试试呢间。我地book咗枱,入到去灯光好暗,情调好好,我地2个人,居然俾张4人枱我地坐,啲櫈都大张舒服,整体环境唔错。打开餐牌,有啲失望,因为无咗我想食ge黑松露汤同埋心太软,我谂佢系定时会转吓餐牌ge野食架。先嚟ge系面包,好脆,但旧牛油就好硬,好难搽；我地叫咗2个set,一个set拣咗烟三文鱼凯撒沙律,平时我系唔食烟三文鱼架,但呢个我居然食,而且成个凯撒沙律味道都醒胃；另一个我唔记得咗系咩。跟住我地拣咗一个南瓜汤同埋洋葱汤,南瓜汤当然好味,唔会太"杰",洋葱汤就普通咗啲...主菜拣咗银雪鱼同埋西冷扒(5成熟),先讲个银雪鱼,块鱼煎得好香,啲鱼好滑,又唔腥,佢个汁入面有啲杏脯肉,少少甜酸咁,令个银雪鱼唔会因为白汁而变得太"溜"。至于西冷扒,虽然叫咗5成熟,但佢做得都唔太生,唔会话好多血水(所以中意食生啲ge朋友,千祈唔好叫7成熟啦,否则会好熟),个扒好有牛味,肉质弹牙,不过份量就少咗啲。甜品拣咗个蓝梅梳
我地book咗枱,入到去灯光好暗,情调好好,我地2个人,居然俾张4人枱我地坐,啲櫈都大张舒服,整体环境唔错。
打开餐牌,有啲失望,因为无咗我想食ge黑松露汤同埋心太软,我谂佢系定时会转吓餐牌ge野食架。先嚟ge系面包,好脆,但旧牛油就好硬,好难搽；我地叫咗2个set,一个set拣咗烟三文鱼凯撒沙律,平时我系唔食烟三文鱼架,但呢个我居然食,而且成个凯撒沙律味道都醒胃；另一个我唔记得咗系咩。跟住我地拣咗一个南瓜汤同埋洋葱汤,南瓜汤当然好味,唔会太"杰",洋葱汤就普通咗啲...
主菜拣咗银雪鱼同埋西冷扒(5成熟),先讲个银雪鱼,块鱼煎得好香,啲鱼好滑,又唔腥,佢个汁入面有啲杏脯肉,少少甜酸咁,令个银雪鱼唔会因为白汁而变得太"溜"。至于西冷扒,虽然叫咗5成熟,但佢做得都唔太生,唔会话好多血水(所以中意食生啲ge朋友,千祈唔好叫7成熟啦,否则会好熟),个扒好有牛味,肉质弹牙,不过份量就少咗啲。
甜品拣咗个蓝梅梳乎里同埋蕉糖布甸,梳乎里系好正宗𠮶只,一食落口就变晒泡𠮶啲口感,几得意；蕉糖布甸就牛油味好香,块蕉糖非常薄,有技巧,唔会太甜,正!!
到咗餐饮,谂住无乜特别架啦,但嚟到西餐厅,紧系试吓咖啡啦,于是就咁叫咗热杯咖啡,男朋友就冻柠水。但估唔到佢杯普通ge咖啡咁正,我平时都有饮开咖啡ge习惯,虽然唔太识品评咖啡,但觉得佢个咖啡真系好好味,侍应只俾咗少少奶,加咗入咖啡后,一饮落口系好滑ge奶味,随后有阵好香ge咖啡味留喺口度,我真系无饮过咁好味ge咖啡,当时好有冲动问个侍应系咩咖啡嚟,点解可以冲到咁特别ge味道...可惜最后都无问到。
用二百几蚊可以喺soho区食到一餐法国菜真系算抵食,而且味道又好好,我下次一定会再去,同埋要问埋个侍应佢地𠮶啲系咩咖啡!!
张贴
