影片
更多
2008-06-16
14 浏览
有次男朋友话去T.S.T区食法国菜，于是喺呢个网页揾咗几间俾我拣，我见到其他评家影出嚟啲相，餐厅情调同埋食物都好似唔错，几吸引，又见到人哋写有"法国鹅肝"同甜品有"心太软"，于是决定试试呢间。我哋book咗枱，入到去灯光好暗，情调好好，我地2个人，居然俾张4人枱我地坐，啲櫈大张舒服，整体环境唔错。打开餐牌，第一眼见到鹅肝，即刻order，先嚟嘅系面包，好脆，但旧牛油就好普通。另外拣咗烟三文鱼凯撒沙律，平时我系唔食烟三文鱼架！但今次我就即管试试，估唔味道都几醒胃。跟住我哋拣咗一个龙虾汤同埋带子忌廉汤，龙虾汤当然好味，唔会太杰，带子忌廉汤就普通咗啲...主菜拣咗银雪鱼同埋安格斯肉眼扒(5成熟)，先讲个银雪鱼，块鱼煎得好香，啲肉好滑，又唔腥，个汁好特别，少少甜酸咁，令个银雪鱼唔会因为白汁而变得太"漏"。至于安格斯肉眼扒，虽然叫咗5成熟，但做得都唔太生又唔会话好多血水(所以中意食生啲嘅朋友，千祈唔好叫7成熟啦！否则会好熟)，个扒好有牛味，肉质弹牙，我觉得份量就大咗啲。甜品拣咗个香橙梳乎里同埋朱古力三重凑，因为入面有心太软，梳乎里系好正宗𠮶只，一食落口就变晒泡𠮶啲口感，几得意，都系心太软最正，i
我哋book咗枱，入到去灯光好暗，情调好好，我地2个人，居然俾张4人枱我地坐，啲櫈大张舒服，整体环境唔错。
打开餐牌，第一眼见到鹅肝，即刻order，先嚟嘅系面包，好脆，但旧牛油就好普通。另外拣咗烟三文鱼凯撒沙律，平时我系唔食烟三文鱼架！但今次我就即管试试，估唔味道都几醒胃。跟住我哋拣咗一个龙虾汤同埋带子忌廉汤，龙虾汤当然好味，唔会太杰，带子忌廉汤就普通咗啲...
主菜拣咗银雪鱼同埋安格斯肉眼扒(5成熟)，先讲个银雪鱼，块鱼煎得好香，啲肉好滑，又唔腥，个汁好特别，少少甜酸咁，令个银雪鱼唔会因为白汁而变得太"漏"。至于安格斯肉眼扒，虽然叫咗5成熟，但做得都唔太生又唔会话好多血水(所以中意食生啲嘅朋友，千祈唔好叫7成熟啦！否则会好熟)，个扒好有牛味，肉质弹牙，我觉得份量就大咗啲。
甜品拣咗个香橙梳乎里同埋朱古力三重凑，因为入面有心太软，梳乎里系好正宗𠮶只，一食落口就变晒泡𠮶啲口感，几得意，都系心太软最正，is my love!!
到咗餐饮，谂住无乜特别架啦！但嚟到西餐厅，梗系试吓咖啡啦！于是就咁叫咗杯热咖啡，男朋友就要冻柠水，估唔到佢杯普通嘅咖啡都唔错，我平时都有饮开咖啡嘅习惯，虽然唔太识品评咖啡，但觉得佢个咖啡真系几香同滑。
用三百蚊左右可以喺尖沙咀区食到一餐法国菜真系算抵食，而且味道又好，我下次一定会再去。
张贴
