HeSheEat (綠楊坊) (已結業)

约左朋友仔去南丰纱厂，发觉大家都未食嘢好肚饿，喺一出地铁站C出口往绿杨坊方向行见到佢地嘅抢眼招牌，就急不及待入去试下。成间店铺以粉红色为主，女士们一定十分喜欢，坐位算多，不感觉迫夹。先嚟两杯饮品：夏日水果红茶——红茶底茶味够，配上新鲜水果有柚子、青柠、苹果及士多啤梨，甜度酸度亦刚刚好，令人感觉开胃；冻牛奶咖啡——好滑，咖啡味亦香，又唔太甜，好饮。———————单骨蜜糖芥末鸡翼——原来单骨的意思系将鸡翼左右切开，更容易入口，卖相不错，芥末不抢味，但会刺激到味蕾，配上蜜糖的甜，味道一流，鸡翼本身亦外脆内嫩。———————烧鳗鱼滑蛋盖意式红饭，呢个有少少惊喜，红饭原来系鲜茄珍珠饭，配上滑蛋，味道一流，鳗鱼亦嫩滑鲜甜，再配上伴碟有黑醋的沙律菜，感觉好平衡。———————之后再叫左两个dessert 厚焗松饼—岩盐焦糖配云呢拿雪糕及士多啤梨乳酪配士多啤梨雪糕；松饼松软又有口感，本人觉得比pancake 还好食，将岩盐拖肥酱同焦糖酱一齐落哂落松饼度，再加上云呢拿雪糕，成件事好幸福。另一个士多啤梨乳酪，少少酸但平衡返松饼的甜，另外仲加左曲奇碎，增加左少少口感，真系会一口气食哂。呢到嘅招牌人气甜品果然