一橋拉麵 (MOSTown新港城中心(4期))

营业中

休息中

早排就知道有间新开拉面系马鞍山新港城开左，呢间真系好想试，今日就约左朋友黎品尝下。门外到入面装修都好日本感觉，我地叫左两款拉面同两款小食试吓。招牌大盛豚骨叉烧拉面，汤底浓而不咸，望到两只蛋都已经好吸引，一啖咬落去好香好浓嘅蛋味，试埋个叉烧真系好好味，拉面嘅烟韧度都好适中，我朋友就叫咗海老浓汤叉烧拉面，佢觉得个汤底好鲜甜，而且叉烧都好好味。小食叫咗味淋牛面肉，估唔到个牛面肉咁淋同咁香牛味，可以话真系好好食，另外一款小食我哋叫咗胡麻豆腐，呢个胡麻豆腐唔单只系豆腐上面只有胡麻酱咁简单，佢仲有啲虾干仔同埋木鱼，第一次咁样食，我觉得真系超正。最后仲叫咗两杯热嘅玄米茶，天气咁冻，食完嘢饮返两杯茶真系好圆满。