PHI Coffee & Pancake (尖沙咀中心)

营业中

休息中

尖东呢间café，见到佢哋个价钱都几吸引，唔算贵又多选择！汉堡扒全日早餐 $132好丰富，个汉堡扒系手打嘅，个肉质够juicy，唔会太干，调味都啱啱好。配埋煎蛋、烟肉、焗豆同番茄，仲有两块多士，份量十足。一个人食完都饱饱地。松露奶油杂菌扁意粉$102，呢个价位嚟讲好惊喜！个松露味够香，唔会太假，杂菌新鲜，酱汁creamy但又唔会太漏，意粉煮得唔错。甜品拣咗英式伯爵茶梳乎厘 $158，个梳乎厘伯爵茶味好香，唔会太甜，配埋雪糕食就啱啱好。个卖相都几靓，打卡一流！饮品方面叫咗：冬日栗子咖啡 $58，香浓栗子味，咖啡底都几有水准，唔错！福鼎白茶$42，茶味清香，配啲甜品就最啱。呢度食物价钱合理，食物质素都几好，嘢食份量够晒。最紧要系个environment都几舒服，啱晒慢慢叹。