鍋心粥底火鍋 (已搬遷) 新店位置

之前一直听朋友讲依间粥底火锅好好食一直想试，今次终book到。一定要book位，walk in 9成冇位。我地book 8半点个轮，d人8点已经围住哂个门口等入，十分多人。入正题，依到198/位免加一，好抵👍🏻有7款新鲜海鲜 3款蔬菜粒 同5款自选火锅料(系每枱5款 份量就随人数而定)。 我都个次食有蟹 鲍鱼 贵妃蚌 2款蚬 海虾同鱼。每样食材都好新鲜，鲍鱼同虾都仲系识郁既😋👍🏻蚬同贵妃蚌好鲜甜😋食完海鲜就会上粟米 南瓜米同芋头粒俾你熬甜个粥底。而自选个5个𩠌，我地拣左 黑毛猪梅头肉 黑毛猪腩肉 响铃 芝心狮子狗 同金菇。梅头肉同腩肉都好正，但个人建议叫其中一款就够 因为去到最后已经饱饱地同要留少少肚食个粥😋😎当食哂d野之后职员就会拎个粥胆同d配料黎帮你整个粥 十分细心😋个粥煮完出黎十分之鲜甜 食唔哂可以仲攞个外卖盒打包走😋总括而言，锅心真系十分抵食，200蚊位食到13样野又免加一👍🏻环境都算干净企理 员工都好有礼貌👍🏻