影片
更多
2020-09-07
208 浏览
一直都知道大西北地區有唔少美食，奈何真係太遠，bookmark左好多餐廳都未的起心肝去試🙈 而呢間💛cafe隻大豬手🐷好吸引又勾返起我條為食癮，想唔遠征去懲罰佢都唔得啦😈.Cafe入面格局雖然簡單，勝在地方闊落坐得舒服☺️ 呢度採半自助形式不設加一股務費，餐牌係入口處度拎，落單行埋去收銀處order就得👌🏻，店員會問返坐邊張檯，當食物同飲品製作好會送上，而餐具🍴/水杯/水擺放係收銀處隔離最近cafe仲做緊優惠🈹，無論堂食定外賣意粉減10蚊，飲品就減5蚊，更加抵食💰.餐牌選擇貴精不貴多，一頁就列晒招牌菜👍🏻 + 6款意粉🍝 + 5款沙律🥗；反而咖啡☕️種類就有唔少，事關呢度有兩位認證國際咖啡質量鑑定師，咖啡品質有保證👍🏻另外幫襯當日cafe仲擺左好大疊 #蘋果日報 📰 係度俾客人自取，撐💛店同時可以睇好報，一舉兩得😆******************************✨蕃茄忌廉蟹肉寬條麵🍝 ($88-$10)食意麵最怕醬汁唔夠乾爭爭，呢份寬條麵既蕃茄醬汁🍅適中，酸酸地食落幾開胃😋蟹肉食落唔腥帶幾分鮮味，份量其實都唔少，只係撈埋寬條麵同醬汁之後就覺得唔太夠🙈 而最正既係上面有大量蟹籽令
一直都知道大西北地區有唔少美食，奈何真係太遠，bookmark左好多餐廳都未的起心肝去試🙈 而呢間💛cafe隻大豬手🐷好吸引又勾返起我條為食癮，想唔遠征去懲罰佢都唔得啦😈
.Cafe入面格局雖然簡單，勝在地方闊落坐得舒服☺️
呢度採半自助形式不設加一股務費，餐牌係入口處度拎，落單行埋去收銀處order就得👌🏻，店員會問返坐邊張檯，當食物同飲品製作好會送上，而餐具🍴/水杯/水擺放係收銀處隔離
最近cafe仲做緊優惠🈹，無論堂食定外賣意粉減10蚊，飲品就減5蚊，更加抵食💰
.
餐牌選擇貴精不貴多，一頁就列晒招牌菜👍🏻 + 6款意粉🍝 + 5款沙律🥗；反而咖啡☕️種類就有唔少，事關呢度有兩位認證國際咖啡質量鑑定師，咖啡品質有保證👍🏻
另外幫襯當日cafe仲擺左好大疊 #蘋果日報 📰 係度俾客人自取，撐💛店同時可以睇好報，一舉兩得😆
******************************
✨蕃茄忌廉蟹肉寬條麵🍝 ($88-$10)
食意麵最怕醬汁唔夠乾爭爭，呢份寬條麵既蕃茄醬汁🍅適中，酸酸地食落幾開胃😋
蟹肉食落唔腥帶幾分鮮味，份量其實都唔少，只係撈埋寬條麵同醬汁之後就覺得唔太夠🙈
而最正既係上面有大量蟹籽令口感更加豐富，就算無減10蚊呢份寬條麵都絕對係高CP值👍🏻
-
✨北海道帆立貝明太子意粉🍝($98-$10)
用上北海道刺身帆立貝，外表微煎至金黃，入面處於半熟狀態仍然保留刺身口感，味道鮮甜😍
明太子份量亦不少，撈埋意粉之後每條麵條都能夠沾上十分惹味，味道亦剛好唔會過鹹
但係對比上一份寬條麵，呢份意粉會乾身左d，如果多返d忌廉汁食落creamy d會更好😋
-
✨德國黑麥啤慢煮咸豬手🐷 ($138)
Menu上寫明製作需時40分鐘，入到cafe第一件事就係落單點佢🙉 而當日食完兩份意麵後呢份豬手就真係不遲不早40分鐘送上💁🏻♀️
見到隻咸豬手上桌時真係忍唔住「哇」左一聲，因為佢既size真係幾大隻下！😳
呢度既咸豬手並非烤到酥脆個種💥，反而似韓式豬手咁外皮煙韌，個人比較鍾情呢種，感覺食左好豐富既骨膠原落肚🤰🏻🤣
由於用左黑麥啤🍺慢煮，外皮聞落帶有淡淡麥香而肉質唔鞋😋 亦因為咸豬手本身已經夠味，芥末醬反而偏鹹會蓋過咸豬手既味道就無點醬食
另外伴碟蔬菜有烤西蘭花🥦、翠玉瓜同車厘茄
-
✨Dirty Coffee☕️ ($38-$5)
Dirty唔係周圍都有得飲，而呢杯Dirty既分層做得唔錯，黎到唔會變左做一杯iced latte，飲第一啖仲令我覺得有驚喜😳
雖然唔知cafe選用邊個牌子既牛奶🥛，但牛奶既口感濃厚做到忌廉般creamy；espresso shot 飲得到厚實感而烘焙味唔會過分突出，豆味亦有別於平時飲得到既，會令人想一飲再飲🤩
因為邊食邊飲，杯咖啡放耐左亦無變酸/苦，反而更加濃味；唔飲慣咖啡既人可能未必鐘意，個人就覺得佢既餘韻好正😍
-
✨Mocha Baileys☕️ ($42-$5)
呢款咖啡同樣係出面比較少見，cafe有熱/凍($45)可供選擇，因為想Baileys味香d就order左杯熱既，無諗過既係呢度杯mocha會拉花，仲要係難度比較高既飛馬圖案😳
Mocha上既奶泡打得非常綿密細滑，完全見唔到有氣孔既瑕疵；失望既係Baileys味道比較弱唔太飲得出，好在朱古力醬味道唔會過甜，拉上補下
由於呢杯mocha Baileys同我想要既味道有出入，難免會對佢扣分，如果當佢係一杯latte，本人絕對會覺得佢係無得輸💯
******************************👧🏻人均消費：$190
😋味道指數：4/5
💰抵食指數：3.5/5
🪑環境指數：3.5/5
💁🏻♀️服務指數：3/5
👍🏻再訪指數：4/5
-
📍 BYOB Coffee Roaster
地址：屯門青桃徑5號文翔大廈地下2A號舖
⏰營業時間：12:00–21:00 (Mon–Sun)
张贴
