金龍泉 (已結業)

话说长发街市装修完毕，除咗翻新咗个街市外，仲开咗好多间小食店，好似话领展想塑造青衣夜市㖞… 喺众多小食店内亦开咗呢间茶餐厅。其实金龙泉开张至今食过三、四次，虽然每次都系黎食下午茶，但都可以写少少介绍一下。金龙泉嘅下午茶系每日下午两点至六点供应，食咗几次都系叫烧味，叫过烧鸭米（要鸭胸）、叉烧河、叉烧赖，加杯热饮一共$30。有时食叉烧最惊就系得个甜字，但呢间的叉烧唔会过甜，啲肉质都好柔软同肥瘦得宜。份量喺下午茶餐黎讲都算大碗，配菜果两条菜心几腍，汤底有韭黄味，唔系普通料。好喇，讲完食物质素喇，改嚟讲下间餐厅主要问题，其实系先天性问题…入金龙泉食野好似入咗黑洞咁，因为收唔到电话讯号。就算有一次我坐个收银侧边都只系收到一格咁大把，更加唔好讲话用黎上网。虽然餐厅有两部大电视，入去食完出黎又唔洗成个钟，但现代人有边个唔上网？总言之餐厅老板要谂一谂计揾啲专家解一解决呢个问题。