德美壽司

营业中

休息中

大埔翠屏花园一带系新兴嘅中价餐厅集中地。啲热门类型嘅餐厅，例如韩国嘢（非韩烧），日本拉面，文青cafe 都可以喺度揾到。日式料理都由以前净系得富山，开到有四五间。今日见时间合适，就去咗「德美寿司」一试究竟。午市套餐「德美定食」，六十几蚊有烧秋刀鱼，吉列猪扒同少许三文鱼刺身，非常抵食。秋刀鱼质素唔错，烧到鱼皮脆卜卜，鱼油释放晒。炸猪扒就似系雪藏货，无乜肉汁而且偏硬。三文鱼刺身不过不失啦。朋友食嘅刺身同寿司，味道正常。