麵屋 元祖達摩 (已結業)

星期五晚又系大埔觅食夜，今次近近地，拣左间系铁路站附近嘅拉面店。原来晚市都有套餐，我地一行四人，叫左个四人餐$448，内有4碗拉面(可以拣任何一款汤底)、4个$40以下嘅小食、4罐饮品。猪软骨樱花虾上枱果阵虾味扑鼻，饮落都有虾味，而且少少辣，唔错，唯一缺点系唔够热。面量唔多，男仔食一定唔够。猪软骨煮到好淋，而且有三大旧，非常满足。豚腩鸡骨酱油我只试左汤底，有淡淡嘅鸡味。豚腩辛辣(小辣)呢个辣度比樱花虾辣少少。豚腩好好味，猪味浓郁。牛肉辛辣(中辣)日式嘅牛肉即系肥牛，相当肥，而且无牛味，一致认为牛肉唔好味。所有小食虽然都系入货，但胜在新鲜炸出黎，热辣辣、脆卜卜，呢个好加分。吉列炸虾虾肉细，炸衣较厚。大阪烧每件外层都炸到啡黄色，再加上大量酱汁，唔中意食大阪烧同椰菜嘅朋友都夹黎食，因为系佢眼中，只系一旧炸油器😆。中唔中意就见人见智，但肯定呢度唔系正宗大阪烧。 北海道蟹肉薯饼预左无蟹肉味，薯蓉似系用粉开出黎果D薯味。我个人唔太中意。一口虾多士虾肉好淋，而且虾味一般，油腻感偏重。埋单连加一，人均$123，每人一碗拉面、小食、饮品，性价比都算唔错，但味道唔可以太高要求😅。另外，餐厅只收现金。