影片
更多
2022-06-02
287 浏览
2022年5月25日 星期三今日谂住喺柴湾食lunch嘅时候，发现兴华商场地下开咗呢一间新餐厅睇舖头名同装修好容易联想到系食四川菜嘅，灯光够光猛，堂食位置唔算太多，主要系做外卖生意餐牌里面见到有好多四川菜选择，辣度亦可以分唔同级数或者唔辣，适合全部口味嘅人士，而且价钱唔算太贵，够大众化因为谂住两个人食，所以就叫咗两个主菜加几个小食，加埋大约$200左右，等15分钟左右就有齐食物可以拎走等待食物嘅期间仲见到餐厅有售卖唔同嘅酱料同小食，用咗玻璃樽密封包装，价钱都几抵，于是就买咗一樽菜脯返去试吓返到公司打开食物，发现份量都唔少，就好似呢一个鸡丝粉皮，除咗有鸡丝同粉皮之外，仲有花生、菜脯丁同青豆等等，虽然叫咗BB辣，但系麻味都仍然存在，愈食愈惹味，用嚟送饭一流呢一个就系盐焗鸡丝，上面加上芝麻，腌得好入味，而且肉质几嫩滑，脂肪唔算好多再嚟有芥末蜜糖炸鸡翼，鸡翼炸完之后再沾上蜜糖芥末酱，食落去好惹味，食完又唔会太口渴，炸粉唔算太厚主食方面有猪扒薯粉配紫菜汤，成块猪扒真系啖啖肉，肥膏唔多，炸得几香口，而薯粉好烟韧，份量都唔少，仲每一啖都食到紫菜添至于另一个主食就系双拼云吞套餐，云吞有两款味道，分别系
今日谂住喺柴湾食lunch嘅时候，发现兴华商场地下开咗呢一间新餐厅
睇舖头名同装修好容易联想到系食四川菜嘅，灯光够光猛，堂食位置唔算太多，主要系做外卖生意
餐牌里面见到有好多四川菜选择，辣度亦可以分唔同级数或者唔辣，适合全部口味嘅人士，而且价钱唔算太贵，够大众化
因为谂住两个人食，所以就叫咗两个主菜加几个小食，加埋大约$200左右，等15分钟左右就有齐食物可以拎走
等待食物嘅期间仲见到餐厅有售卖唔同嘅酱料同小食，用咗玻璃樽密封包装，价钱都几抵，于是就买咗一樽菜脯返去试吓
返到公司打开食物，发现份量都唔少，就好似呢一个鸡丝粉皮，除咗有鸡丝同粉皮之外，仲有花生、菜脯丁同青豆等等，虽然叫咗BB辣，但系麻味都仍然存在，愈食愈惹味，用嚟送饭一流
呢一个就系盐焗鸡丝，上面加上芝麻，腌得好入味，而且肉质几嫩滑，脂肪唔算好多
再嚟有芥末蜜糖炸鸡翼，鸡翼炸完之后再沾上蜜糖芥末酱，食落去好惹味，食完又唔会太口渴，炸粉唔算太厚
主食方面有猪扒薯粉配紫菜汤，成块猪扒真系啖啖肉，肥膏唔多，炸得几香口，而薯粉好烟韧，份量都唔少，仲每一啖都食到紫菜添
至于另一个主食就系双拼云吞套餐，云吞有两款味道，分别系鲜虾同小棠菜，一共有20粒，配埋蕃茄汤，真系好大份，因为每粒云吞都唔细，落足馅料，真正做到皮薄馅靓，难怪系餐厅主打，真系好食到停唔到口
最后买返嚟嘅香辣菜脯丁事后都有打开黎试，辣度好足够，用嚟送饭或者同鸡蛋一齐炒效果都唔错，估唔到细细罐，但里面原来放左好多菜脯，性价比几高
张贴
