影片
更多
2018-12-30
744 浏览
是日又冇带饭，同两个同事出去食Lunch,行咗去渡船街个边食，见到呢间韩国嘢都有同事食过话ok,又咁啱开咗门冇乜人，就入咗去坐低。呢间餐厅嘅setting都几似喺韩国嘅餐厅，行平民路线，墙上好多明星广告poster, 亦有疑似系working holiday嘅韩妹做侍应，但厨房里面就有疑似越南/南亚裔人同操大陆口音嘅内地人，非常国际化。餐牌选择好多，更加有酱油蟹食，花多眼乱。不过我哋lunch hour时间有限，都只求一个字，快靓正。我就拣咗牛肉餐盘，即系一个牛肉饭再加配菜，汤，喺一个不锈钢餐盘上面一齐上，同事钟意食辣就拣咗烤辣酱五花肉餐盘，另一个同事就嗌咗石头锅饭。点知我哋应该系因为佢11点啱啱开舖就去食，佢炉都未起，等咗好耐都未有得食，又见佢整俾外卖order, 我哋就话赶时间问韩妹几时有，佢帮我哋问完隔多阵就上咗两个餐盘，但石头锅饭都仲系未有。呢个时候厨房入面有个操大陆口音嘅呀叔行出嚟态度麻麻地咁话，靓女唔好催㖞，石头窝饭系要咁耐㗎啦。咁我哋就问可唔可以转，佢就话而家都整紧啦唔转得喇，然后就走咗去。后尾都真系超过半个钟先有。但我哋发觉迟过我哋好多坐低嘅客，个餐盘都同我哋差唔多时间
呢间餐厅嘅setting都几似喺韩国嘅餐厅，行平民路线，墙上好多明星广告poster, 亦有疑似系working holiday嘅韩妹做侍应，但厨房里面就有疑似越南/南亚裔人同操大陆口音嘅内地人，非常国际化。
餐牌选择好多，更加有酱油蟹食，花多眼乱。不过我哋lunch hour时间有限，都只求一个字，快靓正。我就拣咗牛肉餐盘，即系一个牛肉饭再加配菜，汤，喺一个不锈钢餐盘上面一齐上，同事钟意食辣就拣咗烤辣酱五花肉餐盘，另一个同事就嗌咗石头锅饭。
点知我哋应该系因为佢11点啱啱开舖就去食，佢炉都未起，等咗好耐都未有得食，又见佢整俾外卖order, 我哋就话赶时间问韩妹几时有，佢帮我哋问完隔多阵就上咗两个餐盘，但石头锅饭都仲系未有。呢个时候厨房入面有个操大陆口音嘅呀叔行出嚟态度麻麻地咁话，靓女唔好催㖞，石头窝饭系要咁耐㗎啦。咁我哋就问可唔可以转，佢就话而家都整紧啦唔转得喇，然后就走咗去。后尾都真系超过半个钟先有。但我哋发觉迟过我哋好多坐低嘅客，个餐盘都同我哋差唔多时间上，所以个教训就系，唔可以11点一开铺就去，同埋赶时间嘅话都唔可以去食。
但个餐盘其实好大好饱，碗汤入面仲有牛肉，配菜有4款，除咗泡菜我唔食之外，另外三款都好有诚意好好食，有海带，萝卜，鱼干加豆，菠菜芽菜，全部调味都好好。咁大碟都只系$58,非常抵食。
牛肉餐盘
$58
51 浏览
0 赞好
0 留言
张贴
