茶舍 (北帝街)

营业中

休息中

今日放工想食下西餐，见到呢间餐厅嘅环境舒适，装修别致，于是决定晚餐食呢间，一打开餐牌发现原来中日西餐都有，好多选择，我哋最后叫左一个二人套餐。套餐跟左沙律同餐汤，沙律份量够，餐汤饮到龙虾味，味道同稠度都啱啱好。主菜谷饲安格斯牛叫左五成熟，配扁意粉蒜茸汁，安格斯牛肉身厚同好鲜嫩，食落外脆内软，每啖都好有牛味，配上翠玉瓜、粟米、蕃茄仔，可以解腻。千岛海鲜Pizza好足料同皮好脆，Pizza上面平均铺好海鲜、粟米料、烟肉、洋葱、菇，连埋芝士食，口感丰富又好味。白汁芝士焗西兰花入面仲有好多烟肉，融化左嘅芝士配上西兰花一齐食，味道好香，健康得黎又好味。总括而言，餐厅坐得舒服同性价比高，得闲可以再黎食。