築地日本料理 (金百利廣場)

营业中

休息中

今日喺铜锣湾金百利行完街，肚饿想食下午茶，然后就揾咗间日本嘢食。我四点几去嘅时侯都好旺，我估啲嘢食应该都唔错，先咁多人黎。我叫咗个野菜牛肉寿喜烧锅同埋冻豆腐，再配过热柑橘柠檬蜜，一个人好满足。个寿喜烧锅个汤底都几好饮，同埋佢系有个火热住个锅，所以食极d野都好热非常好！非常贴心。个汤底甜甜地又有啲酒味，同埋佢有只温泉蛋打咗落去，捞埋一齐食好正。佢啲配料都好多，有黄芽白、牛肉、秋葵、粉丝，同埋啲𩠌都好索个汤好好食～𠮶三款冻食豆腐各有特色，海胆𠮶个好有鲜味，泡菜𠮶个充满韩式味道，麻酱配虾同豆腐都好夹～佢嘅豆腐好新鲜同埋好挺身，唔会话一夹碎晒，好有质感，一次满足左三种味道！配埋杯热柠蜜完结一个美满的下午。