日昇小食

营业中

休息中

系附近返工， 食过几次终于记得帮佢影下相。小店驰名既 韮菜饼， 即叫即煎， 非常香口同脆， 本身我唔特别中意食韮菜都觉得几好味。见小店有咁多平既小食， 就嗌多几样试， 生菜鱼肉正常味道，不过好足料好多鱼肉，咖哩鱿鱼同牛栢叶都好腍唔惊咬唔开， 加埋本身个咖哩辣汁几惹味，而家仲有优惠， 鱼蛋$5串 有8粒， 仲咁有心机画得咁靓， 又平又好味， 值得再帮衬因为铺面比较细， 得侧边少少位可以俾你立食， 一系就要买走， 不过啲小食又平又好味， 2个年轻老板(?!)又有礼貌， 都帮衬得几开心。