泰灜

营业中

休息中

朋友介绍呢间泰国小店，话嘢食好味得来又够实惠，所以今晚决定去试吓，店员好热情，会介绍餐厅值得试嘅菜式，所以每一样都觉得好值得推介。虎虾冬荫功冬阴功汤用热锅上，下边仲有个蜡烛保持温度，酸度同辣度都啱啱好，仲有几只虎虾，每一只都弹牙多肉够新鲜，饮完一碗一碗，推介！青芒软壳蟹沙律呢款沙律系店员推介，软壳蟹份量好多，而且炸得好干身，唔会油淋淋食到好饱好滞咁，青芒果沙律系泰菜入边比较特色嘅一款，调味辣辣地好开胃！街边烧牛肉烧牛肉亦都系店员推介，简直要重点推介俾大家去试，份量多之余，烧得啱啱好，中间带点粉嫩，所以一啲都唔靭，再配搭埋特制嘅酱汁，简直令令味道更加升华！泰式炒通菜呢度有几款菜可以选择，亦都有几个口味可以选择，估唔到份量系咁多，性价比十足！饮品方面，餐厅有迎合香港人嘅口味，所以泰式奶茶嘅甜度唔会过甜，奶味重；而龙眼冰就够晒清爽，仲有粒粒嘅龙眼肉可以食，解腻一流！