川莊

营业中

休息中

天气又冻返，梗系去食辣辣川菜暖身。朋友带咗我去朗豪坊川庄食烤鱼。店舖装修得古色古香，地方宽敞，环境卫生，唔怪得深受年轻人喜爱。我哋两个女仔嗌酸菜泡椒烤鱼， 佢有江团鱼$328同埋海鲈鱼$288选择,江团鱼冇乜骨，所以就选择左佢。原条江团鱼放系酒精炉上， 大大条，鱼肉够厚身，一口一啖完全冇骨， 可以好放心咁样大啖大啖食👍👍👍。 酸菜泡椒呢个配搭真系好有层次，开头食嘅时候就酸菜嘅味道， 当啲泡椒泡喺酸菜汤入面嘅耐咗啲辣味就开始感觉到啦！ 泡椒嘅辣度啱晒我哋啲嗜辣嘅人，好过瘾呀！🤩🤩🤩 我哋仲加咗三款配菜有牛肚、海带结同埋鲜腐竹， 每款配菜$25。🔎海带结大大只，有咬口，而且对身体好🔎牛肚切好晒一块块，浸过热汤再食，竟然好好食， 卤水味非常突出，又够淋，我大力推荐😋😋🔎鲜腐竹味道较清淡，索左啲酸菜汤更突显腐竹独有味道。值得一赞嘅系佢嘅茶，入面有玄米，菊花，冰糖、红枣，茶叶，茶味甘香，玄米味道可以清一清酸菜汤嘅酸味。