影片
更多
2018-11-24
892 浏览
元朗吃晚饭的小店多不胜数，真系有选择困难症，好彩我平日都有做下research，浩食冰室一直在我待食名单之内。我们一行4人，晚市7点15分到达，完全不用等位，8点后就陆续多客了。我地拣左特价4人餐 $588，包4位晚餐及4杯精美饮品，汤，小食。先黎左4个餐汤，意外地竟然系中汤，好彩都好好饮，有一碟开胃小菜麻辣云耳。餐A，选左咸猪手，size 都唔细，但人类的思考总是……感觉隔离枱果只大d，应该系错觉黎既。 我和朋友们都好喜欢食咸猪手，德国猪手既，大家评语一致通过，厘度只猪手系我地食过最好食既，佢层皮好薄好脆口，上枱热辣辣，最重要系切开后d肉系好滑，完全唔会干干硬硬，味道适中，唔会太咸，基本上唔驶点汁已经好好味，大厨真系超级抵赞。餐B，拣肉眼扒，要6成熟, 一上枱我朋友就急不及待切开，好明显系已经8至9成熟了，好嚡好硬，味道又唔算差既，要练下牙力餐C，㨂大虾西冷扒，我朋友又话要6成熟，我其实好想要5成熟。 到上枱……说好的大虾呢? 2只炸到变左虾干……西冷牛扒赶快切开……WoW，竟然系我暗暗希望的5成熟，软，稔，滑，囗感尚算不错，个人满意之选。 餐D，拣烧羊架，要8成熟。 因为我地放左十
我们一行4人，晚市7点15分到达，完全不用等位，8点后就陆续多客了。
我地拣左特价4人餐 $588，包4位晚餐及4杯精美饮品，汤，小食。
先黎左4个餐汤，意外地竟然系中汤，好彩都好好饮，有一碟开胃小菜麻辣云耳。
餐A，选左咸猪手，size 都唔细，但人类的思考总是……感觉隔离枱果只大d，应该系错觉黎既。 我和朋友们都好喜欢食咸猪手，德国猪手既，大家评语一致通过，厘度只猪手系我地食过最好食既，佢层皮好薄好脆口，上枱热辣辣，最重要系切开后d肉系好滑，完全唔会干干硬硬，味道适中，唔会太咸，基本上唔驶点汁已经好好味，大厨真系超级抵赞。
餐B，拣肉眼扒，要6成熟, 一上枱我朋友就急不及待切开，好明显系已经8至9成熟了，好嚡好硬，味道又唔算差既，要练下牙力
餐C，㨂大虾西冷扒，我朋友又话要6成熟，我其实好想要5成熟。 到上枱……说好的大虾呢? 2只炸到变左虾干……西冷牛扒赶快切开……WoW，竟然系我暗暗希望的5成熟，软，稔，滑，囗感尚算不错，个人满意之选。
餐D，拣烧羊架，要8成熟。
因为我地放左十分钟后先切，放久了切开系完全熟，好彩都算稔滑，有d羊酥味，味道也算合格，人类通病又黎了，见隔离枱左右羊架餐都系有3支羊架，我地系2支半，2支架再加半片羊肉叠在一起。
套餐4人包饮品4杯，6人包饮品6杯，同一款餐同一价格，4人就有点蚀底既感觉。 因为d特饮实在太好饮了，人类既贪念怨念又出左黎。
喷射咖啡~入面有两球咖啡冰，所以由头饮到尾都系原汁原味，咖啡属于浓味果只，岩我。
另我朋友要左一杯减糖既，佢地都能配合需要，唔该唒!
鲜菠萝汁~真系鲜菠萝做，朋友话好饮。
红荳冰~入面有2粒紫薯糯米糍，好饮又多左口感。
店面唔算大，楼上也有座位。 店面光线足，略嫌枱细，挤迫感强烈。
其中有一位女员工服务出色有礼，谢谢。
埋单冇加一，绝对抵食。
张贴
