海港酒家

营业中

休息中

庆祝纪念日，所以去食海鲜。🦞🦀🦐以为平日写字楼区，所以冇专登订位。点知坐升降机上到去一开门吓一跳，6:30pm已经坐咗九成客。好彩都唔驶等，即刻有位入。海港嘅价钱真系几抵食，菠萝咕噜肉只系$88，香脆可口，不过唔记得影相。海鲜系自己去鱼池𠮶度拣嘅，好得意，好似去咗西贡咁。个龙虾都好多肉，煮得好好味，伊面底。不过佢好奇怪，𠮶啲精选孖宝嘅价钱，仲贵过就咁单点。精明嘅我，就梗系单点啦！最后唔够食，仲加咗烧鹅，皮脆肉滑够味！豉汁蒸鳝都够份量，不过个汁酱我唔钟意，可能系落咗啲榄角？所以食净少少🤏🏻。今日冇食羊腩煲，$180都几抵食，我见台台都有叫。下次会来试吓。