牛記茶室 (已結業)

今晚无煮饭，两个人谂住出街食。呢间茶室成日都去，有时去饮早茶有时食晚饭，早茶点心种类唔多，但都几新鲜，晚饭都唔算贵，食物种类同茶餐厅差唔多，不过都几新鲜，食完又唔会觉得好口渴。有特价小菜，48蚊都几抵，不过有限制，我地两个人只可点一款。仲有其他煲仔小菜，有荔芋煲、羊腩煲果D，糯米饭都有。特价小菜点左杂菇扒生菜，都几好清清地，份量都几大碟，新鲜热辣。另外又点左荔芋滑鸡煲，细细煲，不过一开盖就好香。芋头够林又够粉，好食，而且佢有落椰奶，好香又好滑，几好食，鸡都滑，不过得几旧，但芋头D汁捞饭都已经好好味。芋头多过鸡，但食太多芋头好济，都系汁捞饭好食D。食完饭有糖水送，今次系绿豆沙，之前食过麦米粥，都几好唔太甜，好有住家饭feel，两个人先百几蚊仲有糖水，而且侍应同D客人都有讲有笑，感觉几好几有人情味，之后都会继续帮衬。