楚撚記大排檔 (馬頭圍道) (已搬遷) 新店位置

钟意帮衬小店嘅我，今次又约朋友到土瓜湾小巷内嘅小菜馆，当日本打算电话订枱的，但打到去对方就话已经满座，叫我地可以walk-in 试试，我地抱著即管一试嘅心情，于黄昏大约6:15分到达，估唔到头围已经于5:30开始左，仲要全场满座，我地前面有两个客等紧，但因为见到里面有啲客人已经食得七七八八，我地又未肚饿，所以就吹住水等，到6:45就有一枱客埋单，我地最后7:00左右就有位喇。讲返啲食物 –金银蛋猪肺汤，好有住家feel，高度推介黑松露莲藕墨鱼饼，一般，胜在莲藕够多，可以一试咕噜肉，唔知系咪煮定，上到枱唔热，但肉质唔错小炒皇，九菜花唔老，爽口，味道偏咸金银蛋油麦菜，油麦菜新鲜，清新好味蚬介鲮鱼球，弹牙，唔油腻，如果下次再嚟，一定会再食当晚食左6个𩠌，都系只需4百几蚊，食物质素都好平均，我个人觉得相当抵食。