港原味 (已搬遷) 新店位置

两个人去到大角咀都唔知食啲乜嘢好，见到依间港原味个环境几靓，咁啱又有位所以就入咗去。睇完个Menu见到有二人餐就决定试吓。佢有两个小菜两个汤两杯嘢饮仲可以要甜品或者蟹盖，真系几抵玩。先黎既系两个汤，好足料好入味，系一个好好饮嘅老火汤。就咁依个汤都觉得佢好有诚意，听讲话个汤日日唔同唔知下次嚟到会系咩呢。咖喱鸡肉农夫包，个咖喱味几浓，入边啲料都好丰富，有青椒有红椒有洋葱，鸡肉都好多好嫩好入味，个农夫包本身都好大个好脆，点埋啲咖喱一齐食真系好正。本身个农夫包好大个所以都好饱，所以呢个冇跟饭。黄金鲜鱿，咸蛋味好强，好大碟份量好多，每一啖咬落去都有好劲嘅咸蛋味，鱿鱼嘅鲜味都仍然保留到，仲要好好咬口，成件事好正好夹。芝士蟹盖，芝士味好浓，有蟹肉之余仲要有啲通粉喺上边，食落都唔错，几特别。冇谂过芝士蟹盖可以咁样整，几出色。