Bello Dining (已搬遷) 新店位置

呢间铺头细细间，夜晚830食都要排队，因为入面位唔多，所以都等得有d耐。夜晚叫意粉同pizza有得跟餐，有得简汤/沙律同配野饮，特饮就加$10。系门口个时见到人地食pizza都几大几吸引，所以我地都叫左个水牛芝士蕃茄pizza，我钟意佢个pizaa底系薄底，好似饼干咁，又香又有d脆脆地👍🏻另外，我地都叫左个黑松露忌廉扁意粉，个忌廉汁好香但又唔会太腻，有微微黑松露味，扁意粉既硬度岩岩好，好好食！个经典汉堡餐个汉堡就冇咩特别，不过呢个都几抵食，50几蚊仲跟埋粗著条。玫瑰蜜糖鸡翼，蜜糖分量岩岩好，唔会因太甜而食唔到其他味，仲有淡淡既玫瑰味，但鸡翼大细不一，有d就大只，有d就扁细。我地叫左一个餐，简左cookie and cream。我觉得味道较淡，唔好饮。最后埋单300蚊有找，真系好平呀！食物质素又唔差，好抵食！下之会再黎！