溏串小町 (已結業)

今次又走咗去大埔区揾食，大埔系啲行行吓就有几间小店嘅地方，呢间日式小店睇落门面几干净企理，又想食串烧，就去咗试一试。装修系几日系，里面有好多日式海报同贴纸，舖面唔算大，不过好有居酒屋嘅感觉。晏昼嚟唔算多人。呢度落餐都系扫qr code嘅。都有几多定食拣，有串烧，饭，同埋寿司拼盘，小食选择都唔少，由刺身到炸物到串烧，基本上日式小食都有。于是叫咗个Hero串烧定食（$138）有鸡翼，豚肉，冬菇，虾，菠萝等等，睇落系普通串烧嘅水平，但估唔到食落一啲都唔老唔干！肉烧得唔韧，外面好香口，里面仲好多汁，完全系意料之外。𠮶调味都值得一赞，唔会好咸但系几惹味。菠萝翠玉瓜好甜，亦都冇烧干晒，个拼盘款式都算多。我觉得都几抵食👏🏻另外小食仲叫咗个茶碗蒸（$12）茶碗蒸不过不失，个味道几浓，蛋亦都整得够滑，配料大大块。另外一个蟹肉忌廉薯饼$（12）薯饼系炸得几香口，不过蟹味就唔系好出。值得一赞系佢嘅炸物好新鲜金热辣辣上枱，口感唔错。仲叫多左汤乌冬，正常水平。总括嚟讲呢间水平都唔错就算，呢日平日去，都不断有客入嚟帮衬，睇落名声都几好。而且个人觉得串烧来讲系值得回味嘅选择，可以一试。