川川辣辣

营业中

休息中

Badboy喺天水围做完嘢就等埋朋友一齐食个饭先返家。拣咗呢间有酸菜鱼食嘅川菜餐厅，不过badboy今次最想食嘅系炸馒头😆。-黄金炸馒头$48炸馒头真系好正😃点可能唔点？开头以为$48得3、4旧，原来呢度嘅炸馒头系mini版，有成8旧咁多。馒头外层炸得脆，蘸练奶就好好食😋。-酸菜鱼(例)$178朋友都几钟意食辣，所以我哋拣咗中辣，谂住拣例牌会细兜啲，但都几多鱼，两个人食啱啱好。无鱼骨，鱼肉大大旧食到鱼肉味，肉质挺实。-手撕包菜$58呢碟炒得几有镬气，预料之外好食，又香口又爽甜。-川式口水鸡$68都几大份有半只鸡？唔算好辣，肉质比较实净。-菠萝梳打水$24酸酸地几开胃，朋友唔太钟意饮咁甜，侍应都好好话可以糖浆落少啲。-冻招牌奶茶$20冻奶茶几香滑，系港式奶茶味。