影片
更多
2023-09-01
106 浏览
之前食过呢间黄大仙嘅分店，感觉都几好。今日经过尖沙嘴见到呢度都有得食，朋友都系爱辣🌶之人，举手赞成再食多次。好快就拣好心头好：水煮牛肉、红糖糍粑。之后见到炸串又几特别，除左牛肉之外，羊肠、羊腩筋都系坊间少见，横竖有套餐，唔洗左拣右拣，决定要埋呢款小食。 炸串套餐 ($58) 🍢有成6串咁多，分别系羊腩筋、羊小肠、同牛肉粒，各有两串。个人最爱系羊小肠，脆卜卜，仲有好香嘅孜然味。而羊腩筋亦都几唔错，有咬口，但又唔会太韧，细细粒，非常易入口。水煮牛肉($158) 🥘比想像中大盆，满满红色嘅水煮汤异常吸引。视觉刺激味蕾，睇到已经流晒口水。牛肉非常软腍，入口松软。个人喜好: 水煮食物一定要配白饭，白饭能中和麻辣味，但同时又能够突出水煮食材嘅香味；如果唔想食饭嘅，都唔惊唔够饱，因为水煮牛肉里边，原来有唔少烟烟韧韧嘅宽粉。宽粉挂汤，索满汤汁，入口Q弹惹味。红糖糍粑 ($48)🍮呢个系我食川菜嘅必选甜品，糍粑(年糕条)入口非常软糯，炸得啱啱好，外脆内软，沾满黄豆粉，略点微暖嘅红糖伴食，唔会太甜，豆香加埋糯米嘅香口，好食到要同朋友争食。菠萝汁($25) 🍍微酸带甜，正好用来解辣。 两个人食到饱饱，食埋甜
好快就拣好心头好：水煮牛肉、红糖糍粑。之后见到炸串又几特别，除左牛肉之外，羊肠、羊腩筋都系坊间少见，横竖有套餐，唔洗左拣右拣，决定要埋呢款小食。
炸串套餐 ($58) 🍢
有成6串咁多，分别系羊腩筋、羊小肠、同牛肉粒，各有两串。个人最爱系羊小肠，脆卜卜，仲有好香嘅孜然味。而羊腩筋亦都几唔错，有咬口，但又唔会太韧，细细粒，非常易入口。
炸串套餐
$58
50 浏览
0 赞好
0 留言
水煮牛肉($158) 🥘
比想像中大盆，满满红色嘅水煮汤异常吸引。视觉刺激味蕾，睇到已经流晒口水。牛肉非常软腍，入口松软。个人喜好: 水煮食物一定要配白饭，白饭能中和麻辣味，但同时又能够突出水煮食材嘅香味；如果唔想食饭嘅，都唔惊唔够饱，因为水煮牛肉里边，原来有唔少烟烟韧韧嘅宽粉。宽粉挂汤，索满汤汁，入口Q弹惹味。
红糖糍粑 ($48)🍮
呢个系我食川菜嘅必选甜品，糍粑(年糕条)入口非常软糯，炸得啱啱好，外脆内软，沾满黄豆粉，略点微暖嘅红糖伴食，唔会太甜，豆香加埋糯米嘅香口，好食到要同朋友争食。
菠萝汁($25) 🍍
微酸带甜，正好用来解辣。
两个人食到饱饱，食埋甜品都只系三百几，喺尖沙嘴嚟讲，真系好抵食。
张贴
