影片
更多
2024-08-15
298 浏览
KA-TO 卡当拉面😘今日同朋友去荃湾做运动，做完就去附近商场行街食饭，我哋去咗间商场行到入地下已经系美食广场，见到有一间系食日式拉面嘅店舖，我朋友就非常钟意食拉面，就去睇吓有咩食，见到餐牌有个震撼优惠价，系非常抵食嘅豚角拉面用酱油汤，价钱唔贵只系$38，店员仲同我哋讲每个月都有不同优惠推介，这间店舖叫KA-TO 卡当拉面，位于荃湾大河道88号湾景广场购物中心地下20号舖，湾景广场美食地方都阔大，座位都好多，坐得令人舒服，拉面店员有礼貌服务态度好，来这里食真系不错。我哋除咗一定叫优惠价嘅豚角拉面，个餐牌仲有自选拉面，咁就可以钟意食乜就叫乜，先选汤底，有四款咁多，有酱油、猪骨、味噌、咖喱汤底，四款我哋都钟意饮，首选猪骨汤，跟住选面底，当然选自家拉面，酱料仲有得加辛辣、麻辣味道，最后就选𩠌菜，非常多有29款𩠌菜，而𩠌菜个卖相都好吸引，我哋就选咗日式豚角、鸡叉烧、灵芝菇、杂菜鱼饼。如果你有素食朋友，都可以同佢来食，自选拉面本身有经典配搭，有酱油汤、拉面、葱花、味笋、木耳丝，价钱亦系$38啫。这间拉面店部除咗食拉面之外，仲有小食叫来食，啲小食亦都好吸引，我哋叫咗煎饺子、明太子多士、手羽饺子明太
今日同朋友去荃湾做运动，做完就去附近商场行街食饭，我哋去咗间商场行到入地下已经系美食广场，见到有一间系食日式拉面嘅店舖，我朋友就非常钟意食拉面，就去睇吓有咩食，见到餐牌有个震撼优惠价，系非常抵食嘅豚角拉面用酱油汤，价钱唔贵只系$38，店员仲同我哋讲每个月都有不同优惠推介，这间店舖叫KA-TO 卡当拉面，位于荃湾大河道88号湾景广场购物中心地下20号舖，湾景广场美食地方都阔大，座位都好多，坐得令人舒服，拉面店员有礼貌服务态度好，来这里食真系不错。
我哋除咗一定叫优惠价嘅豚角拉面，个餐牌仲有自选拉面，咁就可以钟意食乜就叫乜，先选汤底，有四款咁多，有酱油、猪骨、味噌、咖喱汤底，四款我哋都钟意饮，首选猪骨汤，跟住选面底，当然选自家拉面，酱料仲有得加辛辣、麻辣味道，最后就选𩠌菜，非常多有29款𩠌菜，而𩠌菜个卖相都好吸引，我哋就选咗日式豚角、鸡叉烧、灵芝菇、杂菜鱼饼。如果你有素食朋友，都可以同佢来食，自选拉面本身有经典配搭，有酱油汤、拉面、葱花、味笋、木耳丝，价钱亦系$38啫。
这间拉面店部除咗食拉面之外，仲有小食叫来食，啲小食亦都好吸引，我哋叫咗煎饺子、明太子多士、手羽饺子明太子鸡翼，而饮品叫咗雪碧汽水同冷泡茶嘅草莓荔枝绿茶，冷泡茶跟餐价仲平一半，好抵饮。先来小食同饮品，明太子多士非常香脆好味，明太子味只有少少辣啫，好夹同个爽脆多士一齐食，而手羽饺子明太子鸡翼卖相都好靓㗎，只鸡翼入边放咗手羽饺子，鸡翼皮又煎得香脆，口感一流，煎饺子份量有五只，外皮烟韧，香脆可口，馅料肉汁丰盈，好味好食，而饮品汽水同冷泡茶好配合小食，亦好适合我同朋友来倾偈。
主食拉面来得不慢，豚角拉面都大碗，酱油汤唔咸唔淡味道啱啱好，仲好有酱油香味，而猪肉有猪肉味，食落令口感好香滑，一啲都唔觉得油腻，拉面亦爽滑可口，连埋爽口嘅味荀同木耳丝、葱花嘅香味一齐食，非常好食。而自选拉面嘅猪骨汤好饮，味道浓郁，日式豚角肉味鲜甜，入口软腍酥化，自家拉面弹牙滑身，吸取猪骨汤底鲜美，滋味十足。鸡叉烧大大块，肉质超嫩，令口感非常好。杂菜鱼饼亦大大块，鱼饼块块爽口弹牙，鱼味浓郁，黄金香口，而灵芝菇都大份，加埋葱花、木耳丝、味荀，好食仲食得真系好饱。
这个拉面店舖好值得推介俾大家，好食抵食，价钱又唔贵，食物质量又好，仲冇加一费用，令人食得开心，我哋下次一定再嚟食其他优惠食品。
张贴
