影片
更多
2020-12-01
2373 浏览
今日返完聚会，而老婆嘅周日兴趣斑刚啱放假无堂上，所以，就同佢行转短山，由石篱沿金山路行到去九龙水塘，再转入金山树木研习径落九龙接收水塘，驳小径经长坑村返美孚，做到运动之余，连车钱都悭番。午餐，就简简单单食粉面，晌葵涌有间小店「太香面家」，睇落好似几OK，就入去试吓。 地方一眼睇晒，始终哋小店嚟，可做嘅防疫有限，不过，我哋一支箭咁标入最埋嘅位，因为成个场得呢个位有块巨型大胶板隔住，而店员都走番过嚟帮我哋量体温，反映某程度佢哋对防疫嘅事都上心，总好过有啲店铺真喺唔理，门口部量体温机喺做样而已。 一张餐牌睇匀晒有咩食，招牌菜式、菜饭、粉面、小食、饮品，喺咁多，定价好相宜，饮品加配又喺优惠价。 卤水鸡肾米粉 $25初时仲谂住老婆会拣花雕醉鸡或白鱼蛋，点知最后拣咗鸡肾，可能平时少食到啦。卖25蚊，份量就好足喇，但佢话啲鸡肾卤得唔够入味，而且，好似有啲臊臊哋，小弟要求低，就唔喺好觉啫，不过，唔够入味都喺事实。 秘制大猪扒菜饭 $40有几款菜式都喺店家「大母指」推荐，小弟少少偏好炸猪扒，并拣配菜饭。唔止菜饭大大碗，猪扒亦非常之多，最好嘅喺啲猪扒「碎上」，方便夹嚟食，而且，炸得甘香不腻，肉质松化，菜饭
地方一眼睇晒，始终哋小店嚟，可做嘅防疫有限，不过，我哋一支箭咁标入最埋嘅位，因为成个场得呢个位有块巨型大胶板隔住，而店员都走番过嚟帮我哋量体温，反映某程度佢哋对防疫嘅事都上心，总好过有啲店铺真喺唔理，门口部量体温机喺做样而已。
一张餐牌睇匀晒有咩食，招牌菜式、菜饭、粉面、小食、饮品，喺咁多，定价好相宜，饮品加配又喺优惠价。
卤水鸡肾米粉 $25初时仲谂住老婆会拣花雕醉鸡或白鱼蛋，点知最后拣咗鸡肾，可能平时少食到啦。卖25蚊，份量就好足喇，但佢话啲鸡肾卤得唔够入味，而且，好似有啲臊臊哋，小弟要求低，就唔喺好觉啫，不过，唔够入味都喺事实。
秘制大猪扒菜饭 $40有几款菜式都喺店家「大母指」推荐，小弟少少偏好炸猪扒，并拣配菜饭。唔止菜饭大大碗，猪扒亦非常之多，最好嘅喺啲猪扒「碎上」，方便夹嚟食，而且，炸得甘香不腻，肉质松化，菜饭亦做得带点咸香，呢个饭性价比高。
秘制大猪扒菜饭
$40
44 浏览
0 赞好
0 留言
都打晒底，晌度饮奶茶应该唔及晌茶记，纯粹过吓口瘾而已。事实上，话好唔好，话差唔差，至少茶、奶比例都OK，只喺茶底唔叫好浓香啫。
上文都讲过饭后同老婆行短山，就分享少少相，沿途嘅金山路就无乜好影，只喺郊野公园内嘅一条车路，但去到九龙水塘啲景观就几靓，尤其其S形水坝，界开上面嘅九龙水塘，下面嘅九龙副水塘，可惜喺今天天气一般般。
为今餐饭总结吓，单以个猪扒菜饭，可以俾个笑评佢，但计埋个鸡肾米同奶茶，就拖番低咗。不过，以咁经济嘅价钱，都唔可以要求太多啦，大可作为填肚之选。
张贴
