羊城火鍋海鮮酒家 (已結業)

久违左一年，再次入去羊城食饭。不过今次唔系打边炉，而系食小菜。点都好，未试过佢小菜，今次终于可以试下啦。我地班同学好醒目，早入黎就唔使等位。炒四季豆呢个就普通啦，我觉得就淡左小小。不过四季豆好新鲜，算ok啦。椒盐豆腐呢个好食呀，个豆腐系炸过黎，所以系特别香既。而且用椒盐点黎食，个味道就更好啦。中式牛柳呢个唔系唔好食既，只系觉得个牛柳汁咸左小小。但个汁用黎送饭就好，而个牛柳都几好食，唔会太韧。都算唔错啦。西柠鸡味道还算不俗，个柠檬汁好酸。真系好开胃，而个鸡都唔错。肉唔算太鞋，都唔算太差既。粟米班块个汁好稠，咁样先似粟米班块。个份量都几多，班块都几好味。同个汁好夹。咕噜肉又系另一道比较酸既菜式，个肉就韧左小小。不过个汁送饭真系一流架。椒盐鲜鱿呢个都算不赖，新鲜炸起真系劲好食。而且个粉唔厚，食到啖啖鱿鱼肉，真系无叫错架。沙姜鸡呢个无乜点食，但同学都话味道唔错，好有鸡味。其实今次都唔系好贵，因为呀sir有津贴。所以一人都系50几蚊到，真系好抵食。