泰 (瓊華中心)

营业中

休息中

呢间系旺角同铜锣湾都有店既泰菜餐厅，除左散叫之外，晚市既套餐都好抵食，而且份量每样都好大份！呢个椰汁鸡汤有个明炉热住，一路热一路闻到个阵椰香味飘出黎，浓香既椰汁鸡汤望落个颜色已经觉得好浓郁。表面油份唔多，入面包括有洋葱同埋磨菇增加口感之余，洋葱既甜味煮埋出黎令个汤更加清甜！天气冻冻地饮两碗成个人都即刻暖返晒另外原条青柠明炉乌头鱼虽则要另加$38，但系味道同品质绝对系交足质素！明炉明火煮住条乌头鱼，真系唔洗惊食得耐会放冻左。新鲜青拧挤落去条鱼同个汤到，清新既青柠味直接将条鱼个香味带左出黎，条鱼仲要无任何泥味，非常新鲜好食。《抵食既晚市二人套餐》 明炉椰汁鸡汤青木瓜沙律泰式沙嗲4串原条青柠明炉乌头鱼(+$38)油饭两碗两杯饮品香茅鸡翼6只 $98另外散叫左6只香茅鸡翼，脆香既炸皮散发住浓香既香茅味道。鸡翼本身够大只炸粉唔会太厚，而且肉汁仲保留到好多，几香口既小食。