勝手

营业中

休息中

登龙街嘅胜手系间新开嘅日本餐厅，主打串烧、定食、炉端烧、shabu shabu等等，其实真系乜都有！我今次就食左串烧同定食，价钱喺呢区黎讲相当亲民！绝对系平民好食之选。环境好阔落好干净，坐得非常舒适，店员上菜快同好nice!豚肉生姜烧定食：豚肉份量都几多，酱汁入味得黎唔会太咸，配上珍珠米，口感好好。定食set有埋汤、前菜同沙律，真心几抵架。汁烧鸡腿肉：一上枱已经闻到极香，咬落鸡肉好juicy同嫩滑，面头嘅调味恰到好处，令人食唔停口。日式饺子：煎得好香喷喷而且系微脆架个饺子皮，啲馅好饱满兼且爆汁，几推介！！