和居酒屋 (已結業)

今日去到旺角揾食，经过花园街嘅一间日式居酒屋，俾佢嘅门面吸引，就入咗去食啦！店舖环境非常不错，好有日本居酒屋嘅风味。食物方面，亦有多款选择，包括刺身、寿司、串烧、烧物同丼饭等，非常多元化！我哋叫咗多款食物👇🏻鳗鱼丼饭:非常高质，而且足料，配料如紫菜同蛋丝都非常多。极力推介这款丼饭！金龙大虾卷：又系非常吸引，蟹子非常多，入口卜卜趣。炸鸡软骨：新鲜出炉，香脆可口，又Juicy🤟🏻串烧牛舌同鸡肾：牛舌大推，厚度刚好，配合孜然粉味，食唔停口。最后叫埋三文鱼子寿司同海胆寿司：材料极新鲜，三文鱼子咸度适中，海胆又鲜甜，食完有幸福的感觉。总括来讲，食物水准高，服务态度好，座位舒服，下次都会再嚟帮衬。