秋田鐵板燒刺身專門店

营业中

休息中

其实平时都有食开尖沙咀分店，今次就试下湾仔分店。觉得呢度嘅铁板烧都几好味，而且价钱唔算贵一入到去见到餐厅都几大，有好多大枱，适合一班人嚟食。入咗冇几耐就畀沙律我哋，沙律材料都丰富，有火龙果、蕃茄、甜薯、粟米、沙律菜、青瓜等,沙律嚟讲都算有诚意接著厨师就喺个铁板上面准备咗黑鱼子鱼子蒸蛋畀我哋，呢个装落只蛋到几得意，而且望落去好靓，味道都唔错鹅肝都算几大块，味道唔错，不过我就觉得如果煎耐啲就更加香我哋叫咗鲍鱼，鲍鱼好大只，而且非常新鲜，活生生咁放上铁板烧上面，一路烧一路喐，真系好生猛 烧好之后肉质非常好味，新鲜有够林午餐跟面豉汤，面豉汤味道够浓。我就点咗牛柳，叫咗五成熟，加埋上面啲蒜片食味道都唔错。 但系呢个牛柳偏咸，放得太多盐，厨师调味有待改进。 炒饭喺铁板烧里面我都几钟意食，呢个炒饭ok，但系调味我就觉得一般，唔够味。最后配上炒杂菜，味道都系偏咸，甜品有芝麻雪糕。