譽居

营业中

休息中

一路都冇入过去食但今朝突然间好想试下佢嘅早茶入到去畀想像中大估唔到间餐厅都几干净又新又靓佢有个早餐孖宝40蚊左右可以有两个点心虽然都系要加茶钱同埋加一但系都系抵嘅最先上嚟呢就系佢个香煎芋头糕睇多几大旧同埋几厚同埋入面就充满咗一大嚿嚿嘅芋头食完都争啲饱咗跟住就系佢个翠玉瓜鲜虾肠粉我又好似冇试过咁样食㖞咬落去个口感都几特别同埋啲虾几大只同新鲜呢个系意料之外跟住喺个艇仔粥入面一样系好多料同埋竟然有鱼片平日𠮶啲都冇嘅但佢就有最后就系𠮶个鲜竹卷同我想像中有啲唔同入边系鱼肉同埋菜咬落去唔系散嘅系几厚实两个人埋单最后都系$99我觉得ok呀可以再试过