海港酒家

营业中

休息中

经过见到有间新开嘅酒楼，于是呢晚就决定入去试吓，入到去竟然见到全场爆满，仲有好多人食海鲜，心谂应该无去错地方。叫咗个例牌烧鹅，烧鹅热辣辣，应该系刚刚烧起，例牌都有得食髀，真系觉得好幸运，烧鹅肉质偏瘦，味道较淡，但胜在热辣辣搭够，唔错。另外，见附近有几枱都叫咗笼仔糯米龙虾蒸饭，又见 mark 咗系必食之选，所以就叫咗个嚟试吓。食落真系有惊喜，虽然龙虾仔无乜肉，但啲糯米饭就吸晒啲龙虾汁，饭中混有大头菜、芋头同红枣，增加咬口之余，亦令味道更丰富，而且糯米饭蒸得够淋又唔油，食完唔会有un胃感觉。呢餐性价比好高，食物有水准，但价钱唔系贵，下次行开行埋都可以再帮衬。