御名軒

营业中

休息中

星期五晚带屋企人嚟到位于天后嘅御名轩食晚饭。食物款式都几多，除咗单点之外，更有一啲优惠孖宝同优惠套餐，价钱都几抵。一坐低店员会先送上餐前小食同茶。京式片皮鸭($98/半只)皮同肉既比例均匀，鸭肉肉质够腍，带少许鸭油香。饼皮烟靭，片皮鸭配埋青瓜、京葱同甜面酱，味道同口感更丰富，$98几抵食。生猛波士顿龙虾($98/只)我哋总共叫左两只龙虾，另外加左$50伊面。龙虾几多肉，而且爽口，伊面索哂汤汁同龙虾嘅精华，几正~虾球芝士炒蛋白($ 108)虾球份量多，而且大大只，几爽口。蛋白炒得够滑，配埋葱花，味道几香。杨枝甘露($28)芒果味几浓郁，配埋清爽嘅西柚，酸甜开胃。