老掌櫃東北菜館 (海之戀商場)

营业中

休息中

 之前食过一次，挂住佢个北京填鸭，专登再黎食过🤤不过今次出左北京填鸭之外，嗌左其他冇食过既嘢食试，啲嘢食份量真系好大，食到劲饱🤰同埋今次系午餐去食，有午市套餐，都几抵食。不过今次食既嘢就冇上次咁惊喜。 1️⃣北京填鸭（半只）（$168）好好味好满足，同上次黎食一样，半只都极大碟。包起块鸭、青瓜同葱一齐食，正呀！  2⃣️排骨担担面（$48）个担担面花生味好浓好香，有少少辣味，个汤偏杰身少少，令到啲面好挂汤，好好味。  个排骨就好普通，啲骨有啲多，同埋层炸衣有少少甩皮甩骨咁😂  3⃣️水煮鱼客饭（$49）鱼既份量几多，入面仲有啲芽菜、酸菜，同埋鱼块都几嫩滑。  不过我觉得佢既味道以水煮鱼黎讲太淡，唔够辣，亦都唔够浓味，个水煮汁太稀。  4⃣️肉三鲜（$42）42蚊有十粒饺子🥟好多😳  肉三鲜即系包左猪肉、韭菜同埋虾仁三款材料既饺子。每粒都包到好饱满，食落啖啖肉。不过我就觉得佢既皮太厚。