水門雞飯 (豉油街)

营业中

休息中

同朋友喺旺角打完波，想揾间抵食又好味嘅餐厅，所以我带咗朋友去食水门鸡饭。每人$120已经有齐鸡饭、小食、菜同饮品，泰国过江龙嚟讲绝对系抵食！⭐水门鸡饭⭐水门双拼炸鸡饭每次嚟呢间都一定点鸡饭，因为钟意佢油饭够香，鸡肉够滑，而个酱汁辣得好过瘾，除咗点鸡，用嚟捞饭都一样咁惹味。今次第一次试佢嘅炸鸡，啲鸡炸得唔会过哂火喉，外面几脆，而入面唔会干，仲有另一碟汁系配炸鸡。职员留意到啲汁食哂就会主动refill，服务态度几唔错。⭐泰式烧腩仔卖相望落有啲似猪颈肉，但其实系腩肉，不过同港式烧肉唔同，泰式系会烧到四边都脆。⭐香辣牛舌牛舌淋得嚟够入味，辣度刚刚好，送饭一流。⭐泰式炒通菜通菜份量都多，适合两个人share，呢碟有好多蒜蓉同面豉，所以炒得好香。⭐洛神花茶⭐冻泰式奶茶泰式奶茶茶味够浓，唔算太甜，同出名果间泰奶茶饮店差唔多。宜家晚市做紧优惠，可以优惠价追加小食同饮品，仲有个新出嘅A5和牛泰式船粉，下次嚟再试。